*ಅವರೇಕಾಳು ತಿನ್ನೋದ್ರಿಂದ ಶರೀರಕ್ಕೆ ಏನ್ ಲಾಭ ಅನ್ನೋರು ತಿಳಿಯಬೇಕಾದ ವಿಷಯ*

ಸಾಮಾನ್ಯವಾಗಿ ಮನುಷ್ಯನ ಶರೀರಕ್ಕೆ ಹಣ್ಣು ತರಕಾರಿ, ದವಸ ದಾನ್ಯಗಳು ಹಾಗೂ ದ್ವಿದಳ ದಾನ್ಯಗಳು ಹೆಚ್ಚಿನ ಪ್ರೊಟೀನ್ ವಿಟಮಿನ್ ಅಂಶವನ್ನು ಒದಗಿಸಿಕೊಡುತ್ತವೆ. ಆದ್ರೆ ನಾವುಗಳು ಸೇವನೆ ಮಾಡುವಂತ ಒಂದಿಷ್ಟು ತರಕಾರಿ ಹಣ್ಣು ದ್ವಿದಳಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ತಿಳಿದುಕೊಂಡಿರೋದಿಲ್ಲ. ನಾವುಗಳು ಅವರೆಕಾಳನ್ನು ವಿವಿಧ ಅಡುಗೆಗಳಿಗೆ ಬಳಸುತ್ತೇವೆ ಹಾಗೂ ಬೇಯಿಸಿಕೊಡು ಸಹ ಸೇವನೆ ಮಾಡುತ್ತಿವೆ ಆದ್ರೆ ಇದರಿಂದ ನಮ್ಮ ಶರೀರಕ್ಕೆ ಏನ್ ಲಾಭವಿದೆ ಅನ್ನೋದನ್ನ ತಿಳಿದುಕೊಂಡಿರೋದಿಲ್ಲ.

ಇದರ ಬಗ್ಗೆ ಈ ಮೂಲಕ ತಿಳಿದುಕೊಳ್ಳೋಣ ನಿಮಗೆ ಈ ಮಾಹಿತಿ ಇಷ್ಟವಾದಲ್ಲಿ ನಿಮ್ಮ ಸ್ನೇಹಿತರಿಗೂ ಹಂಚಿಕೊಳ್ಳಿ.

ಮೊದಲನೆಯದಾಗಿ ಶರೀರಕ್ಕೆ ಪ್ರೊಟೀನ್ ಅಂಶವನ್ನು ನೀಡುವಂತ ಗುಣ ಇದರಲ್ಲಿದೆ. ಹೌದು ನಾವುಗಳು ಮಟನ್ ಚಿಕನ್ ತಿನ್ನುವುದರಿಂದ ಏನ್ ಸಿಗತ್ತೋ ಅಂತಹ ಆರೋಗ್ಯಕಾರಿ ಅಂಶವನ್ನು ಈ ಅವರೆಕಾಳಿನಿಂದ ಪಡೆಯಬಹುದಾಗಿದೆ. ಅಷ್ಟೇ ಅಲ್ದೆ ಫೈಬರ್ ಅಂಶ ಇರುವುದರಿಂದ ದೇಹಕ್ಕೆ ಉತ್ತಮ ಅರೋಗ್ಯ ಲಭಿಸುತ್ತದೆ ದೇಹಕ್ಕೆ ಅಗತ್ಯವಾಗಿ ಬೇಕಾಗುವ ವಿಟಮಿನ್ ಅಂಶವನ್ನು ಅವರೆಕಾಳಿನಲ್ಲಿ ಪಡೆಯಬಹುದಾಗಿದೆ.

ದೇಹ ಬೆಳವಣಿಗೆ ಆಗಲು ಸಹಕಾರಿಯಾಗುವಂತ ಹಾರ್ಮೋನ್ ಬೆಳವಣಿಗೆಗೆ ಇದು ಪೂರಕವಾಗಿದೆ, ಇನ್ನು ಅವರೆಕಾಳಿನಿಂದ ಸಿಗುವ ಲಾಭವೇನು ಅನ್ನೋದನ್ನ ನೋಡುವದಾದರೆ ಅಜೀರ್ಣತೆ ನಿವಾರಣೆ ಯಾಗುವುದು ಪದೇ ಪದೇ ಹಸಿವು ಆದ್ರೆ ಅದನ್ನು ನಿಯಂತ್ರಿಸುವ ಗುಣ ಇದರಲ್ಲಿದೆ. ಅವರೆಕಾಳಿನಲ್ಲಿ ಹೆಚ್ಚಾಗಿ ಮ್ಯಾಗ್ನೇಶಿಯಂ, ಪೊಟ್ಯಾಶಿಯಂ ಹಾಗೆ ಕ್ಯಾಲ್ಶಿಯಂ ಅಂಶಗಳಿವೆ ಆದ್ದರಿಂದ ಇದು ದೇಹದ ರಕ್ತದೊತ್ತಡ ಸಮಸ್ಯೆಯನ್ನು ನಿವಾರಿಸಬಲ್ಲದು. ಗ್ರಾಮೀಣ ಭಾಗದ ಜನರು ಅವರೆಕಾಳನ್ನು ಹೆಚ್ಚಾಗಿ ಬಳಕೆ ಮಾಡಿಕೊಳ್ಳುತ್ತಾರೆ ಆದ್ದರಿಂದ ಅವರ ಶರೀರ ಗಟ್ಟಿಮುಟ್ಟಾಗಿರುತ್ತದೆ. ಮತ್ಯಾಕೆ ತಡ ವಾರದಲ್ಲಿ ಎರಡು ಮೂರೂ ಬಾರಿಯಾದರೂ ಅವರೇಕಾಳು ಸೇವನೆ ಮಾಡಿಇದರ ಲಾಭವನ್ನು ನಿಮ್ಮದಾಗಿಸಿಕೊಳ್ಳಿ.

*ಸುಲಭವಾಗಿ ಬಾಯಲ್ಲಿ ನೀರೂರುವಂತಹ ತಮಿಳುನಾಡು ಶೈಲಿಯ ರಸಂ ಹೇಗೆ ಮಾಡುವುದು ಗೊತ್ತೇ??*

ನಮಸ್ಕಾರ ಸ್ನೇಹಿತರೇ, ಇಂದು ನಾವು ತಮಿಳುನಾಡು ಶೈಲಿಯ ರಸಂ ಮಾಡುವ ವಿಧಾನವನ್ನು ನಿಮಗೆ ತಿಳಿಸಲಾಗಿದೆ. ತಮಿಳುನಾಡು ಶೈಲಿಯ ರಸಂ ಮಾಡಲು ಬೇಕಾಗುವ ಸಾಮಗ್ರಿಗಳು: 2 ಬಟ್ಟಲು ತೊಗರಿಬೇಳೆ, ಸ್ವಲ್ಪ ಎಣ್ಣೆ, 1 ಟೊಮೇಟೊ , 2 ಚಮಚ ಕಾಳುಮೆಣಸು, 3 ಚಮಚ ಸಾಸಿವೆ, ಎರಡೂವರೆ ಚಮಚ ಜೀರಿಗೆ, 2 ಚಮಚ ಮೆಂತ್ಯ, 1 ಬಟ್ಟಲು ಧನಿಯಾ, ಸ್ವಲ್ಪ ಇಂಗು, 8 – 10 ಹಸಿಮೆಣಸಿನಕಾಯಿ, ಸ್ವಲ್ಪ ಕರಿಬೇವು, 1 ಚಮಚ ಅರಿಶಿನ ಪುಡಿ, ಸ್ವಲ್ಪ ಬೆಲ್ಲ, ಸ್ವಲ್ಪ ಹುಣಸೆ ಹಣ್ಣಿನ ರಸ, ರುಚಿಗೆ ತಕ್ಕಷ್ಟು ಉಪ್ಪು, ಸ್ವಲ್ಪ ಕೊತ್ತಂಬರಿ ಸೊಪ್ಪು.

ತಮಿಳುನಾಡು ಶೈಲಿಯ ರಸಂ ಮಾಡುವ ವಿಧಾನ: ಮೊದಲಿಗೆ ಒಂದು ಕುಕ್ಕರನ್ನು ತೆಗೆದುಕೊಂಡು ಅದಕ್ಕೆ 2 ಬಟ್ಟಲು ತೊಗರಿಬೇಳೆ, 4 ಬಟ್ಟಲು ನೀರು, 1 ಚಮಚ ಎಣ್ಣೆ, 1 ಟೊಮೇಟೊವನ್ನು ಹಾಕಿ 4 – 5 ವಿಷಲ್ ನನ್ನು ಹಾಕಿಸಿ ತಣ್ಣಗಾಗಲು ಬಿಡಿ. ಮತ್ತೊಂದು ಕಡೆ ಗ್ಯಾಸ್ ಮೇಲೆ ಒಂದು ಬಾಣಲೆಯಲ್ಲಿ ಇಟ್ಟುಕೊಂಡು ಅದಕ್ಕೆ 1 ಚಮಚದಷ್ಟು ಎಣ್ಣೆಯನ್ನು ಹಾಕಿ ಕಾಯಲು ಬಿಡಿ. ಎಣ್ಣೆ ಕಾದ ನಂತರ 2 ಚಮಚದಷ್ಟು ಕಾಳುಮೆಣಸನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ. ನಂತರ ಇದಕ್ಕೆ 2 ಚಮಚದಷ್ಟು ಸಾಸಿವೆ, 2 ಚಮಚದಷ್ಟು ಜೀರಿಗೆ, 2 ಚಮಚ ಮೆಂತ್ಯವನ್ನು ಹಾಕಿ ಕಹಿ ಹೋಗುವವರೆಗೂ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ. ನಂತರ ಇದಕ್ಕೆ 1 ಬಟ್ಟಲಿನಷ್ಟು ಧನಿಯಾವನ್ನು ಹಾಕಿ 5 ನಿಮಿಷಗಳ ಕಾಲ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ. ನಂತರ ಇದಕ್ಕೆ 1 ಚಮಚದಷ್ಟು ಇಂಗುವನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಂಡು ಒಂದು ಬಟ್ಟಲಿಗೆ ಹಾಕಿ ತಣ್ಣಗಾಗಲು ಬಿಡಿ. ತಣ್ಣಗಾದ ನಂತರ ಒಂದು ಮಿಕ್ಸಿ ಜಾರಿಗೆ ಹಾಕಿಕೊಂಡು ನುಣ್ಣಗೆ ಪುಡಿಮಾಡಿಕೊಂಡರೆ ತಮಿಳುನಾಡು ಶೈಲಿಯ ರಸಂ ಪುಡಿ ರೆಡಿಯಾಗುತ್ತದೆ.

ನಂತರ ಗ್ಯಾಸ್ ಮೇಲೆ ಒಂದು ಪಾತ್ರೆಯನ್ನು ಇಟ್ಟುಕೊಂಡು ಅದಕ್ಕೆ 2 ಚಮಚದಷ್ಟು ಎಣ್ಣೆಯನ್ನು ಹಾಕಿ ಕಾಯಲು ಬಿಡಿ. ಎಣ್ಣೆ ಕಾದ ನಂತರ 1 ಚಮಚ ಸಾಸಿವೆ, ಅರ್ಧ ಚಮಚ ಜೀರಿಗೆ, ಉದ್ದನೆ ಹಚ್ಚಿದ ಹಸಿಮೆಣಸಿನಕಾಯಿ, ಸ್ವಲ್ಪ ಕರಿಬೇವನ್ನು ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ. ನಂತರ ಇದಕ್ಕೆ 1 ಚಮಚದಷ್ಟು ಅರಿಶಿನ ಪುಡಿಯನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ತದನಂತರ 1 ಚಿಟಿಕೆ ಇಂಗು, ಬೇಯಿಸಿಕೊಂಡ ಬೇಳೆ ಹಾಗೂ ಟೊಮೊಟೊವನ್ನು ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಇದಕ್ಕೆ ಸ್ವಲ್ಪ ಬೆಲ್ಲ, ಹುಣಸೆ ಹಣ್ಣಿನ ರಸ, ರುಚಿಗೆ ತಕಷ್ಟು ಉಪ್ಪು, 4 ಚಮಚ ರಸಂ ಪುಡಿಯನ್ನು ಹಾಕಿ ಚೆನ್ನಾಗಿ ಕುದಿಯಲು ಬಿಡಿ. ಕೊನೆಯದಾಗಿ ಇದಕ್ಕೆ ಸಣ್ಣಗೆ ಹಚ್ಚಿದ ಕೊತ್ತಂಬರಿ ಸೊಪ್ಪನ್ನು ಹಾಕಿ 5 ನಿಮಿಷಗಳ ಕಾಲ ಕುದಿಸಿಕೊಂಡರೆ ತಮಿಳುನಾಡು ಶೈಲಿಯ ರಸಂ ಸವಿಯಲು ಸಿದ್ದ.