🍀🍀🍀🍀ದುಂಡಿರಾಜರ ಹನಿಗವನಗಳು🍀🍀🍀🍀🍀🍀

*ಗುಟ್ಟು*

ಸ್ವಲ್ಪವೂ ಸುಳಿವು ನೀಡದೆ

ಸಾವಿರ, ಐನೂರರ ನೋಟು

ಸ್ಥಗಿತಗೊಳಿಸಿದರು ಮೋದಿ.

ಗುಟ್ಟು ರಟ್ಟಾಗದಿರಲು

ಕಾರಣ ಅವರ

ಮನೆಯಲ್ಲಿ ಇಲ್ಲ ಮಡದಿ!

- ಎಚ್‌.ಡುಂಡಿರಾಜ್‌

☘☘☘☘☘☘☘☘☘☘

*ಮೇಳ*

ಒಂದು ಕಾಲದಲ್ಲಿ ಇತ್ತು

ಬ್ಯಾಂಕಲ್ಲಿ ಜನಜಂಗುಳಿ

ಕಾರಣ ಪೂಜಾರಿ ಲೋನ್‌ *ಮೇಳ*

ಈಗ ರಜಾದಿನಗಳಲ್ಲೂ

ನೂಕು ನುಗ್ಗಲು

ಕಾರಣ ಮೋದಿ

ಎಕ್ಸ್‌ಚೇಂಜ್‌ *ಮೇಳ!*

- ಎಚ್‌.ದುಂಡಿರಾಜ್.

☘☘☘☘☘☘☘☘☘☘

*ನಗು*

ದುಡ್ಡಿನ ಮದದಿಂದ

ಗಹಗಹಿಸಿ ನಗುತ್ತಿದ್ದ

ಇವರ ಮುಖದಲ್ಲೀಗ

ನಗು ಕಾಣ ಸಿಗದು,

ಕಾರಣ ಮನೆಯಲ್ಲಿದೆ

ಕೋಟಿಗಟ್ಟಲೆ ನಗದು!    

- ಎಚ್‌. ಡುಂಡಿರಾಜ್‌

☘☘☘☘☘☘☘☘☘☘

*ಸಂಹಾರ*

ಸಾವಿನ ವ್ಯಾಪಾರಿ ಎಂದು

ವಿರೋಧಿಗಳು ಹೇಳಿದ್ದು

ನಿಜವಾಯಿತು ಈ ದಿನ

ಒಂದೇ ಏಟಲ್ಲಿ ಮೋದಿ

ಕೊಂದು ಹಾಕಿದರು

ಕೋಟಿಗಟ್ಟಲೆ ಕಾಳಧನ!

- ಎಚ್‌.ಡುಂಡಿರಾಜ್‌

*ಬ್ಯಾಂಕಿನಲ್ಲಿ *

ಕ್ಯಾಶ್ ಕೌಂಟರಿನ

ಚೆಲುವೆಯ

ಸೌಂದರ್ಯದತ್ತ

ಹರಿದು ನೋಟ,

ಗಮನಿಸಲಿಲ್ಲ

ಅವಳು ಕೊಟ್ಟ

ಹರಿದ ನೋಟ! 

*ಪತ್ರೆ *

ಶನಿದೇವರಿಗೆ ಶಮೀ ಪತ್ರೆ

ವಿಷ್ಣುವಿಗೆ ತುಳಸಿ ಪತ್ರೆ

ಈಶ್ವರನಿಗೆ ಪ್ರಿಯವಂತೆ 

ಬಿಲ್ವ ಪತ್ರೆ

ಯಮನಿಗೆ ಸರಕಾರಿ

ಆಸ್-ಪತ್ರೆ

*ಅವಶ್ಯ *

ನದಿ ದಾಟಲು

ತೆಪ್ಪ ಇರಬೇಕು.

ಸಂಸಾರ

ಶರಧಿ ದಾಟಲು

ತೆಪ್ಪಗಿರಬೇಕು

*ಚಿಂತೆ *

ಬಡವರಿಗೆ ಸದಾ

ಹೊಟ್ಟೆ ಹೊರೆವ

ಚಿಂತೆ.

ಶ್ರೀಮಂತರಿಗೆ

ಹೊಟ್ಟೆ

ಹೊರುವ ಚಿಂತೆ.

*ಅಧ್ಯಕ್ಷ ಭಾಷಣ *

ಅದ್ಭುತವಾಗಿತ್ತು

ಅಧ್ಯಕ್ಷರ ಭಾಷಣ

ವಿಷಯ,  ಶೈಲಿ, ಭಾಷೆ

ಎಲ್ಲವೂ ಚೆನ್ನ.

ಆದರೂ ನೋಡಬೇಕಾಗಿತ್ತು

ಒಮ್ಮೆಯಾದರೂ

ತಮ್ಮ ವಾಚನ್ನ

*ಭಾಷಣ *

ಆರಂಭದಲ್ಲಿ

ಹೇಳುತ್ತಾರೆ

ಎರಡೇ ಎರಡು ಮಾತು.

ಮುಗಿಸುವಾಗ

ಆಗುವುದೇ ಬೇರೆ

ಎರಡೂ ಕಿವಿ ತೂತು!

*ನುಡಿದರೆ *

ಗೆಳೆಯಾ ಒಪ್ಪಿದೆ,

ನೀನು ನುಡಿದರೆ

ಮುತ್ತಿನ ಹಾರದಂತೆ.

ಆದರೂ ತುಸು

ಎಚ್ಚರ ವಹಿಸು

ಎಂಜಲು ಹಾರದಂತೆ!

*ಆದರೂ *

ವಯಸ್ಸಾದರೂ

ಹೆಂಗಸರು

ಗಂಡಸರನ್ನು ಕಂಡರೆ

ನಾಚ್ಕೊತಾರೆ.

ಗಂಡಸರು

ಬೋಳು ತಲೆ

ಬಾಚ್ಕೋತಾರೆ !