ಕ್ಯಾರೆಟ್ ಪಾಯಸ :

ಬೇಕಾಗುವ ಪದಾರ್ಥಗಳು :

ಕ್ಯಾರೆಟ್ - 1 ಕಿಲೊ

ಹಾಲು - 1 ಲೀಟರ್ (ಆರೆಂಜ್ ಪ್ಯಾಕೆಟ್)

ಗೋಡಂಬಿ - 100 ಗ್ರಾಮ್

ಸಕ್ಕರೆ - 4೦೦ ಗ್ರಾಮ್

ಮಿಲ್ಕ್ ಮೇಡ್/ಮಿಠಾಯಿ ಮೇಟ್ - 400 ಗ್ರಾಮ್ ಡಬ್ಬಿ

ಏಲಕ್ಕಿ - 8-10

ಮಾಡುವ ವಿಧಾನ :

100 ಗ್ರಾಮ್ ಗೋಡಂಬಿಯನ್ನು ಒಂದು ಸಣ್ಣ ಬಟ್ಟಲಿನಲ್ಲಿ ನೀರು ಹಾಕಿ, ನೆನೆಯಲು ಇಡಿ. ನಂತರ ಕ್ಯಾರೆಟ್ಟಿನ ಮೇಲ್ ಸಿಪ್ಪೆಯನ್ನು ತೆಗೆದು, ಸಣ್ಣದಾಗಿ ಹೆಚ್ಚಿಕೊಳ್ಳಿ. ಹಾಲನ್ನು ಕುದಿಯಲು ಇಡಿ. ಒಂದು ಪಾತ್ರೆಯಲ್ಲಿ ಹೆಚ್ಚಿಟ್ಟ ಕ್ಯಾರೆಟನ್ನು, ಕುದಿಸಿದ ಹಾಲು (ಪೂರ ಒಂದು ಲೀಟರ್) ಮಿಕ್ಸ್ ಮಾಡಿ. ಕುಕ್ಕರಲ್ಲಿ ಇಟ್ಟು 7 ರಿಂದ 8 ಸ್ಟೀಮ್ ಕೂಗಿಸಿ. ಸ್ಟೀಮ್ ಬಿಟ್ಟಮೇಲೆ ಪಾತ್ರೆಯನ್ನು ಹೊರಗೆ ತೆಗೆದು ಆರಲು ಇಡಿ. ಮಿಕ್ಸಿಯಲ್ಲಿ ಬೆಂದ ಕ್ಯಾರೆಟ್ ಚೂರುಗಳನ್ನು, ನೆನೆಸಿಟ್ಟ ಗೋಡಂಬಿಯನ್ನು, ಏಲಕ್ಕಿಯನ್ನು ಸ್ವಲ್ಪ ಹಾಲಿನ ಜೊತೆಗೆ ಪೇಸ್ಟ್ ಆಗುವ ರೀತಿ ಗ್ರೈಂಡ್ ಮಾಡಿಕೊಳ್ಳಿ. ನಂತರ ಅದನ್ನು ಒಲೆಯಮೇಲೆ ಸಣ್ಣ ಉರಿಯಲ್ಲಿ ಕಾಯಿಸುತ್ತ 400 ಗ್ರಾಮ್ ಸಕ್ಕರೆಯನ್ನು, 400 ಗ್ರಾಮ್ ಮಿಲ್ಕ್ ಮೇಡ್/ಮಿಠಾಯಿ ಮೇಟ್ ಮಿಕ್ಸ್ ಮಾಡಿ. ಆರಿದ ನಂತರ ಅದನ್ನು ಫ್ರಿಡ್ಜಲ್ಲಿ ಇಡಿ. ನಂತರ... ಅಷ್ಟೇ !!! ಕ್ಯಾರೆಟ್ ಪಾಯಸ ಸವಿಯಲು ಸಿದ್ದ !